بصمت تبدي صرخة الميلاد ثم ترجع بصمت 
وتشرق عيون على سطح النظر ثم تنطفي
ربي اللي قبله وبعده وهذا قد علمت 
ما خفاك الي جهور ولا خفاك الي خفي
ترحم الي ما زهد عمري غلا حزنه وكتمت
بصبري اللي من وجودك ايقن اني ابكتفي
اذكر اني لا تنشقت الهواء في ثوبه نمت
وسط روعات الظلام وفي شتاها لي دفي 
واذكر اني لا عصت نفسي بعصى كفة سلمت
كفه اللي وسد اللي في ثرا اللحد يغفي
وراحت ايديني تنادي في بعضها ان عزمت
بدفنه يصرخ بعضها في بعضها وقفي 
وهلت ادموعي همايل تردم الي ما ردمت 
ما يجي بكثر الهمايل يا همايل خففي
وبين خذلاني وعزمي بخطوة الرجعه رسمت
لوحة الشاهد وهذا ما بقى له من وفي 
بصمت نبدى صرخة الميلاد ثم نمشي بصمت 
وتبقى هالدنيا اماكن والاماني تختفي





عسجد النور على صبح سناها
          وبدى الغرب مع الشرق معاها
يتمايل شعرها حتى بدا لي
           رقصت الموج تغنيها خطاها
ظبية لو اشرق االبدر عليها
          لم يرا نورا تميزه سماها
وانكسى نورا تشعشعه الثنايا
          في عيوني واستنارت مقلتاها
اثملت بالحسن والاغواء روحي
          سكرات ينتشي قلبي سقاها
قد سقتني بالمنى واهتز عودي
          املا واهتزت الدنيا معاها
ومضيت القف الاحلام طفلا
          يقطف ريش العصافير وتاه
فنستني وانقضى سحر الاماني
         ما بقى الا تفاصيل لقاها

وطن مهجور .. فيك و نسيته
تركته وفي مكانك  لقيته
يا احلا نور عاش بخيالي
على درب الاماني مشيته
امر يمك ولا كأني اشوفك
خنقت الشوق بعيني وخفيته
لمحت كتاب قلبه  بدينك
اضن اني وانا امشي قريته
اشوف حروفه تسقي عيونك
سقاك ومن وصالك سقيته
يحسب انه سكن في خيالك
واهو غافل .. تو ما نهيته
تنفس مثلي يومن  عرفته 
وخنقته مثلي يومن طويته

عـبــق ألأوجــــاع وســكـــونــــي
وعـيــــون شـمــــع لا يـرقـــــد
 ولـيـــل يـــرتـشــــف ألـمـنــــــى 
خـلـــف  ألاجـفــــان  تــمـــدد
 كـمـــارد يـحـتـضــن ألـلـظــــى 
وبـــالــجــحــيـــــم  تـــخـــلـــــد
صـامـــد كـجـلـمــــود أبــــــــى
أن يـعـبــد ألـريـــح ويـسـجـــد
أنـنــــي ألـذنــب الـمـسـجـــــى
 تـحـــت   أوكـــار ألـتـعــمــــد
 يـعـصـــر ألـــوجـــدان خــمـــرا
 يـثـمــل  ألـــقــلـــب  تــشـــرد
 أنـــا مـــن يـسـكـنـــه صــمــت
‬  يـبـنــــي بـــالأحــــزان مــعـبـــد 
 خـــالــي  ألأركـــان  فــيــــــة
  نـــاســـك قــد عـــاش أوحــــد 
  يــبــعــث ألأيـــمــــان تـــحـــت 
  شــمــعــة أو نـــور مـــوقـــــد
 زاهـــد  ألأيــــام  حـــتـــــى
 أرتــدى   ثــوب  ألـتـجـــرد
  يـسـبـر أعـمـاقــي ويـمـشـي 
 سـلـوتــي أبــــعــــد وأبـــعـــد
  مـثـل ضـــوء قــــد تـلاشـــى 
  في دجـى الـكـون ألـمسرمـد 
  ســيــد   أنـــا  وسـجـــيـــن 
 حــــــر   أنـــا   ومــقـيـــــد
  مـــذنــب  أنـــا  وبـــــــــريء 
 تـــائــب  أنـــا   مـــتـــردد
  فـاعـل   أنـــا  لا أدري 
جـــازم   أنـــا   مـتـعـمـد
كــل شـــيء فـــي كـيـانـــي
فــي كـيـانــي قــد تـجـســد


لا تحاسبني على غلطة غلاك     غصب عني ماهو بيدي ابتليك

مبتلي بنبضي تنفس في هواك    وكل خليه تسكن بجسمي تبيك

كل ما بنسى الاقيني معاك       وكل ما ببعد الاقيني اجيك

وكل ما امشي الاقيني وراك     وكل ما اوقف الاقيني بيديك

لا تقبلت السماء شفته سماك      كل كوني وكل حولي لك وفيك

احس كلي باعني فيك وشراك    وانا لو بيدي ابيعه واشتريك

مقدر اشكي للملا حالي معاك   وانا جيتك بشتكي حالي عليك

انا مثلك هم بشر ماني ملاك     نخطي ونزعل وبالتالي ابيك

لا نبيع الحب في هذي وذاك      اللي بيني وبينك اكبر من هذيك

القصايد والشعر كلهم فداك     والقوافي والمعاني تفتديك

بهالقصيده اعتذر واطلب رضاك     بعتذر لك واترك الباجي عليك


سالت عنها من تكون .... !
سالت شكي ويقيني والشجون 
 من تكون !
اراحلة مثلي  في غيهب  اعماقها
تستشعر الضوء المهمش في السكون
  لتجد في رحيق  احزانها
ما قد بقى من امسها المكنون
وتنثر في السماء احلامها
فتمطر على صدرها المسجون
اهي مثلي قد بكت
 دون ان تبكي عيون
اراحلة مثلي  في ابعادها
عن ذلك الجسد الملعون
هل ترحل .. هل تبقى  .. هل تخون
أم تشاطرني الجنون ؟

سبايب ما جرا وياك من عيني   سبايبها العيون  اللي  هجرتيها
، ،
حسبت انها معاك  الود تعطيني   وعلى غفله بليا اسباب  تجفيها
، ،
خذ عيوني انا الذكري تكفيني   وعلى ذكرى الهوى دنياي اواسيها
، ،
خذيها ما بقت هالعين ترضيني   وعينن ما تشوفك لي شبي فيها
، ،
شبي بعيون ما تقرا عناويني   عنـاوينــك .. تغربــها .. وتوديـهـا 
 ، ،
غصب انسى وغصب القاك تجفيني   وغصب نفسي يعود فيك ماضيها
، ،
وغصب اخنقها انفاس الهوي فيني   وغصب مقهور اكبتها واداريها
، ،
اماني في بحر احلام تغريني   على موج  الرجاء  تهنا  غوافيها 
، ،
لقيت ان الحقايق لج تصحيني  صحيت وما  رضت  نفسي  تخليها
، ،
تركتيني اراجع ما وعدتيني   مع  ذيك  العهود  اللي  نطقتيها
، ،
وذكرني الشوق يوم انتي نسيتيني   وعلى رماح الالم روحي تركتيها
، ،
وحق اللي خلق كونج وتكويني   وحق اللي علم  بأسرار  نخفيها
، ،
واذا يبقى قسم انساه ذكريني   واذا جملة قسم  تلقين  جيبيها
، ،
واذا ينفع معاج الحلف حلفيني   واذا ابياتي تجيبج الف اسويها
، ،
احبك حب لو يقسم على سنيني   يغطي  الحب  اولها  وتاليها
، ،
احس الحب لك يمشي بشراييني   وقلبي  يروي  بحبك  ويسقيها
، ،
سقاها ومن عطش مرك يرويني   يرويها  وهماج  الشوق يضميها
، ،
يا صوره غاب وياها تلاويني   بقى البرواز والوان  الاسى  فيها
، ،
يا فرحه ما بقت فرحه تواسيني    يا بسمه ماضي النسيان يطويها
، ،
يا دمعه والدموع اقوى على عيني   اعاند لوعه ادموعي واجاريها
، ،
انا البركان تحرقيني براكيني   مشاعر فجرت  فيني  معانيها
، ،
كتبت بحبر واحروفه تشاكيني   نسوا اني معاهم كنت انا اشكيها
، ،
ابكتب من بدايع ما يحاكيني   غرامك  والهوى  للناس  ابحكيها
، ،
اناديها القوافي وهي  تناديني   تبكيني  القوافي  وانا  ابكيها
، ،
ابكتب ما بقالي من بقى سنيني   قصايد عالم الاحباب  يرويها
، ،
وبشعل جمرة حروفي علي ايديني   وابنثرها بسماء ليلك اضويها
، ،
ابي يصحى الضمير اللي جحد فيني   خذي عيني مع اللي راح مابيها



صمتي كما بركان يخفي  المحارقْ

بين الجوانح واستمال المغارقْ

فجعلته سيفي وصدري غمده
لو صال اشعل في السما بيارقْ

بقوافي كما النجوم  تعلّقت

بين الغروبِ وقُبلات المشارقْ

فلا تسال اليتيم عن يتمه

ولا تسال الغريق لما هو غارقْ

قدري ان اولد مسكون الهوى

 وفي صمتي هدير مارق


 



حروف الصمت اثمن من كلامي
ابسكت واترك الماضي يناجيك
تذكر يوم قال النوم ... نامي
لعيني ... وقلت يا زين السهر فيك
وتذكر لهفتك تسرق سلامي
قبل ما ابداء تناديني واناديك
تعانقنا نضرنا بشوق حامي
وكل منا نطق للثاني اغليك
تذكر وعدن اصدق من غرامي
ثلاث وقلتها لي ما اخليك
ختامي جرحي الدامي ختامي
مثل شمس وقمر مقدر الاقيك
بروح بعزتي والجرح دامي
عزاي اني مشيت اخر خطاويك
لان اللي بقى لي لك ملامي
وضميرك ما لقيته لي يصحيك
حروف الصمت اثمن من كلامي
ابرحل واترك اشعاري تسليك



كم شمعه في دمعة مشاعلها غرقت 
ذريتها في كفي اليمنى وطفت
ضميتها بكفوفي  .... لكن ما بقت
كل شي رحل .. حتى سنا الزهرة وزحل
حتى سراب المحتمل 
ليلي طويل
يا سراجي لا تطفي ندم 
خلك بقايا بالعتم
يكفيني عشتك لو وهم
خلني اشوفك  بعتمة احزاني سفر
وسط الشجون اللي سكنت ... في ضيقة انفاسي دهر
خلني  توهم اقتناع
اني بسافر بالسناء اللي يزور المستحيل
 وافرد على نوره شراع
فبحر الدموع اللي رما موجه هدب
واسقي عيون بصيفها اليأس انشرب
وافتح عيون  واغمض عيون
وارسم من اشلاء الامل نفسي واكون
بضحك ودموع